Le forbece de Campuasce
Audio
Nu campuasciane jame renumate,
da Roma a Londra, fine a Brucculine,
pe forbece e curtielle supraffine
fatte d' acciare tutte trafurate.
De forbece n' aveme brevettate,
a dì la veretà, de ddu manere :
chille cu lu trafore - che so vere -
e po le lenghe, longhe e ammulate
a vecchie mole 'e marca paisana !
Che le frastiere nen ce ce metteme :
le purtame alle stelle ! l' adurame !
ma. . . a vive a vive, nu, ce sfurbeciame
ca, pe taglià le panne, nu vuleme
rrobba de pura lana campuasciana !. . .
Neve ngoppe la terra e stelle nciele,
a fa l' aria de festa cchiù ncantata -
ra casa a casa va la maitunata.
E, nnanze a lu camine, Raffajele
fuma la pippa e guarda lu tezzone
- fuoche che bruscia mo ngoppe la liscia :
core che bruscia mmieze a la ceniscia -
e. . . nn' è cchiù viecchie. . . E' giovene. . . è guaglione:
arretorna a cantà, ra casa a casa,
a Rosa a Tresa a Peppa a Cuncettina,
che lu bufù la vecchia maitunata. . .
Spara na botta - e fa tremà la casa -:
Cuncetta, la nepota signurina,
s' affaccia. . . e rire all'anne, a la nuttata. . .
« Te n' haj' purtate 'e mpezzature chine
re vrora grassa e scorce re patane. . .
e mo tu, cicche. . .fa' ssa brutta fine !
. . .Scì jute au dazie. . .Minghe !. . .che: scì cane ? !
siente ch'allucche!. . .'ì cumme chiagne forte,
povere cicche!. . . meglie na mazzata
tra cape e nnoce 'e cuolle che ssa morte !
. . .Manche a lu cchiù nemiche !. . .» -
- « Huè Ngurnata !. . .
la funisce re fa lu malaurie ? ? ? ! ! !
Se nen l' accire, po. . . te magne nnoglia ! » -
. . .e mette mmocca a cicche 'u purtuualle.
Doppe ddu ore. . . pe lu bonaurie,
- fechete, rezza, laure (cacche foglia) -
Ngurnata ze lu magna calle calle. . .
. . . E salate
Doppe ddu juorne, quanne z'è squartate,
manna l' arruste a miereche e aücate
e po ze mette a fa le suppresciate
piette a piette che sore e caïnate ;
e l' appenne a 'u setacce, a lu serine.
Squaglia la nzogna ; na matine
taglia tutta la carne a pezzettine
e prepara le urelle 'e le saucicce;
stregne lu capecuolle che lu spache;
cusce la coppa, cape dessussate.
Quanne po so le perteche piazzate,
- ventresca e saüciccia - ze mbrïache
Minghe che tata Ntonie e cumpà Cicce !
Tammurre fatte tutte de legname,
senza pelle de ciucce, scuperchiate,
ddo tu può mette panne de culate,
panielle 'e pane, vrenna pu bestiame,
scerte d'aglie e cepolle, fafe o vischie,
nzalata e pane-e-casce che vijole,
lacce e fenuocchie, mazze e'e pumarole,
menestra de cappucce verze o 'mmischie.
Ngopp'a nu muccature fatte spasa
lu aiute a ponne ncape a Cuncettina,
che z'avvia a la chiazza da la casa:
a chesta balcunata -stammatine-
cumme rieste 'e caruofene e geranie,
ce stanne cime 'galle e de galline.
A Campuuasce - da che juorne è juorne -
pe sapè la recchezza de le case
z'ha da verè lu rame che sta appise :
ruote stagnate, quille che po, attuorne,
porta le forme pe le bucchenotte
(juste mmieze a lu mure; e attuorne, spase
a fa nu sciore, tu ne vire appise
durece. . .ventequatte. . .quarantotte!);
vrasciere, vrascierelle e po cuttore,
tine e maniere pe te veve l' acqua
e conche e cunchetelle. . .Ze fa scure
quanne, de vierne, a bbotte 'e fume, au mure,
z'ha da seccà lu puorche. Po vè Pasqua
e torna a rire, rusce cumme ll'ore.